واحد امريكي وواحد فرنسي وواحد اسرائيلي في كافيتيريا وطلبو عصير الامريكي جت على كوبايته دبانة سابها ومشربهاش والفرنسي جت على كوبايته دبانة سابها ومشربهاش الاسرائيلي جت على كوبايته دبانة راح ماسكها جامد وقالها : تفي اللي انتي شربتيه تفي اللي انتي شربتيه
واحد فرنساوي راكب في طيارة كلها صعايدة المهم بعد شوية الطيار قالهم ياجماعة ياريت كل واحد معاه حاجة تقيلة يرميها عشان الطيارة حصل فيها عطل ....
بعد شوية الطيار قالهم يا جماعة تعالو كلكو على الجنب اليمين عشان الجنب الشمال حصل فيه عطل وهيقع
شوية والطيار قالهم يا جماعة تعالو كلكو في النص عشان الجنب اليمين حصل فيه عطل وهيقع
شوية والطيار قالهم ياريت كلكو تمسكو في السقف عشان ارضية الطيارة هتقع
شوية وقالهم ياريت حد يرمي نفسه عشان الطيارة حصل فيها عطل
كلهم قعدو يفكرو مين هيرمي نفسه محدش رضي المهم الفرنساوي قال انا هارمي نفسي
راح كبير الصعايدة قايل راجل من ضهر راجل سجفوله يا بوي
--------------------------------------------
مرة واحد محشش اتصل على بيت قال محمد موجود قالوا الرقم غلط قالهم... طيب
بتردوا ليه
مرة واحد مسطول قال لواحد مسطول تانى هو العمود ده منور قاله معرفش أصلى مش من
المنطقة
مره كان في اتنين مساطيل قاعدين بيحششوا فا واحد بيقول للتاني انا شايفك اتنين
فالتاني بيقولوا لا انا الي شايفك تلاته فقالوا الاول لا انا الي شايفك اتنين
المهم قالوا خلاص احنا نروح لشيخ المساطيل فقال خلاص نروح لشيخ المساطيل فراحوا
وعرضوا عليه المشكله. فقالهم خلاص اصحاب المشكله يقعدوا على جنب والباقي ده
كولوا يروح
--------------------------------------------
كان في سلحفتين صغيرين كانوا بيحبوا بعض كبروا
واتجوزوا وخلفوا سلحوف
صغير سموه ابوسريع ,اقترحت ام ابوسريع علي
ابو ابوسريع انهم يروحوا يفسحوا
الواد في البحر الاحمر جهزوا لوازم الرحلة
واستغرقت الرحلة 15سنة ذهاب..
وصلوا علي البحر وفرشوا علشان يأكلوا وفجأة
صرخت ام ابوسريع "تصدق يابو ابوسريع
نسينا اهم حاجة نسينا الملاحة عشان الاكل
.اخطف رجلك وروح البلد
هاتها .."صرخ ابو ابوسريع وقال لسه هاروح 15سنة
رايح و15 سنة جاي يكون الاكل
برد الأحسن نبعت الواد ابوسريع خفيف ولسه
صغير.."ونادوا ابوسريع وقالوله
وبعتوه يجيب الملاحة ومرت السنين...حوالى40 سنة
وابوسريع مجاش، السلاحف بدأت
تقلق فقالت ام ابوسريع احسن ناكل بدل ماالاكل
يبرد ولمايجي ابوسريع نعمله اكل
ثاني "فجاة خرج ابوسريع من ورا شجرة وقال
يعني لو كنت رحت كنتم كلتم من غيري؟
===========
نكت وبتاع وكلام نعناع
1- مرة جماعة حشاشين كانو قاعدين فى خيمة.. بس مكنش معاهم حاجة يولعو بيها فبعتو واحد منهم يجبلهم ولاعة..خرج ودخل من النحية الثانية وقال يا جماعة لو سمحت ممكن ولاعة قالوله اقعد اقعد بعتنا واحد يجيب.
2- مرة واحد مسطول جة يخرج من العربية لقى الدنيا بتمطر راح خرج من الباب التانى.
3- مرة واحد مسطول قوى راجع بيتهم الساعة اتنين بليل فاختة فتحت لة الباب قام ضربها بالقلم على وشها طاخ.. وقالها كنتى فين لحد دلوقتى.
4- مرة واحد مسطول ماشى مع حبيبتة فى نص الليل فشافت ابوها فقالت يالهوى بابا بابا فقالها ماتخفافيش قوليلوا اخوكى.
5- مرة واحد مسطول احول جة يعيط قام ريل.
6- واحد مسطول بيسال صاحبة المسطول اية اسماء اخواتك الاولاد؟ قالة كلهم محسن الا ادهم اسمة تامر وبندلعة جمال.
7- واحد مسطول دخل مطعم وقال لصاحب المطعم عندك حلقات بصل.. قاله صاحب الطعم ايوة..فقالة ادينى الحلقة الاخيرة.
8- مرة اتنين مساطيل قاعدين فالاول بيقول للتانى هو النهاردة السبت ولا الاحد.. قام التانى قاله لء الاتنين.. قام الاول قالة جايين مع بعض.
9- مرة واحد مسطول دخل محل فول وصاحب المحل كان مسطول فالزبون بيقولة لو سمحت سندوتش فول من غير سلطة.. قالة صاحب المحل من غير سلطة قوطة ولا طحينة..قالة من غير سلطة قوطة.. قالة صاحب المحل مفيش سلطة قوطة اعملهولك من غير سلطة طحينة.
10- مرة واحد يابانى ماشى فى الشارع قامت دايهاتسو عربية.
11- اتنين مساطيل حبوا يسرقوا عمارة فقالوا احنا ناخد العمارة بعيد ونسرقها برحتنا.. فقلعوا الهدوم وقعدوا يزقوا فى العمارة.. جة واحد من وراهم وسرق الهدوم.. فواحد منهم بص ورا ملقاش الهدوم فقالة كفاية كدة احنا بعدنا قوى.
11- تاكسى.. مصطفى كامل عالبحر؟
مشفتوش.
12- واحد احول راح يجيب ابوة من المطار باس الشنطة وشال ابوة.
13- مرة واحد لعيب كورة قاعد على القهوة طلب واحد صفر.
14-واحد حرامى سرق باب من واحد مسطول..فالمسطول قعد يجرى وراه الحرامى.. فقام الحرامى حاطط الباب فى نص الشارع وجرى.. فالمسطول وقف عند الباب وقال له افتح يا جبان.
15-ثلاثة بيحششوا واحد قال لهم لو البوليس جة دلوقتى نعمل اية؟.. واحد قال انا هاعمل نفسى سيجارة مرمية على الارض ..والتانى قال ان هلعمل نفسى سجارة مرمية على الطفاية.. والتالت قال انا هاعمل نفسى سيجارة مرمية من الشباك لما جة البوليس واحد رمى نفسة على الارض والتانى رمى نفسة على الطفاية والتالت رمى نفسة من الشباك فوقع على واحد فى الشارع قال لة احرقونا بقى احرقونا.
16- واحد محشش قاعد مع اصحابة وبيحكيلهم... انا مرة طلعلى اسد وكان فى ايدى كباية مية.. فرميتة بيها.. قام الاسد طلع يجرى.. رد علية واحد من اللى قاعدين قال لة صح انا لما قابلت نفس الاسد ضربتة بالقلم على وشة ايدى اتبلت.
17- مرة واحد نزل محطة الرمل رجلة غرزت.
18- مرة واحد بيسال واحد صحبة.. اية الفرق بين تجارة الحشيش وتجارة عين شمس؟ قالة تجارة عين شمس 4سنين لكن تجارة الحشيش اقلها 25سنة.
19- اتنين قاعدين يحششوا فوق السطح.. الاول الحق يا منير ابوك مات.. راح شدلة حجرين وقعد يعيط.. بعد شوية الحق يا منير امك ماتت.. راح شدلة حجرين تانى وقعد يعيط.. شوية يا منير الحق اخوك مات.. راح حادف الشيشة من ايدة ووقف على سور البلكونة وقال لا دة هو اللى فاضلى ورمى نفسة.. وهو فى الدور السابع افتكر انة مقطوع من شجرة... وفى الدور التانى افتكر انة ماسموش منير اصلا..
واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية.
------
مرة مدرس رياضة اتجوز مدرسة رياضة خلفوا ولد متساوى الساقين·
------
ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟
الاسبوع فيه حد ، والموس فيه حدين ، والصحراء ما فيهاش حد ·
------
هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه ·
------
زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش.
قالولها :إحنا جعانين عايزين ناكل .قالتلهم: ماعرفش أجيب لكم أكل.
قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله ·
------
واحد أحول راح يجيب أبوه من المطار باس الشنطة وشال أبوه·
------
مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة ·
------
تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع ·
------
مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك ·
------
سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و
قالة يا ترى انت بقى الفرفور الابيض فقالة الراجل فرفور اية رخصك يا روح امك
-------
واحد راح للدكتور بيقولو يا دكتور انا عندى صداع ، قالو بتنام والشباك مفتوح ولا مقفول ؟ طيب افتحه قبل متنام وتعالى بعد يومين ، جاله بعد يومين ، قاله الدكتور الصداع راح قاله الصداع راح والتلاجه راحت والتليفزيون راح و ........
-------
محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق
-------
واحد واقف على الكوبري بيقول ,36,36,36,36 راح واحد سأله ايه حكاية ال36دي؟ قاله تعالى أوريك قام رماه من فوق الكوبري ..وقال 37,37,37,37 ·
-------
واحد ندل فتح مصنع بيبسي كتب على كل علبة : رج جيدا قبل الفتح ·
-------
واحد راح للدكتور بيقولوا يا دكتور كل ما اكلم واحد ينام مني ........... يا دكتور ........... يا دكتور
-------
بلديات فتح محل انابيب غاز .. فجّر اسطوانتين فى وسط البلد .. دعاية·
-------
واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر ·
-------
واحد بيقول لصاحبه ... الحق الثعبان دخل غرفة حماتك ... قاله:
سيبه يستاهل ·
-------
اثنين ساكنين في خيمة ونايمين على ظهورهم بالليل.. بص الأول للسما وقال للثاني شايف ايه ؟ قال اشوف نجوم كثيرة.... قال وده يدل على ايه ؟ قال الثاني : ان فيه مجرات وكواكب غيرنا في الكون ده . قال الأول ده يدل ان سقف خيمتنا انسرق ياغبي ·
-------
ثعبان نظره ضعيف يوم ما حب واحده..... طلعت خرطوم
-------
بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها ·
-------
بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا
-------
واحد قال لأبنه: نابليون وهو أدك كان أول واحد في الفصل،... رد
الواد على أبوه : نابليون وهو أدك يا بابا كان إمبراطور
------
واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00
فلقى ورقه مكتوب عليها الساعه 6:30 يلا إصحى
--------------------------------------------
الأحد أكتوبر 07, 2007 2:02 pm
